ધારપુર મેડિકલ કોલેજ હોસ્પિટલ આંખના વિભાગમાં કીકી પ્રત્યારોપણ (Corneal transplantation) ની નવી સુવિધા ઉપલબ્ધ
કેપિટલ મેસેજ, ન્યુઝ
પાટણ: ધારપુર મેડિકલ કોલેજ અને હોસ્પિટલના ડીન ડૉ. હાર્દિક શાહ , મેડીકલ સુપરિટેન્ડેન્ટ ડૉ. પારુલ શર્મા અને આંખ વિભાગના હેડ ડૉ. સોનલ અગ્રવાલ ના અથાગ પ્રયત્નો બાદ કીકી પ્રત્યારોપણની મંજૂરી ગતવર્ષે પ્રાપ્ત થઈ છે.ગતવર્ષે આંખના વિભાગ, ધારપુર મેડીકલ કોલેજમાં 12 કીકીના પ્રત્યારોપણ કરી 12 કીકીના દર્દીઓને રોશની આપવામાં સફળતા પ્રાપ્ત કરી છે.આ સાથે પાટણ જિલ્લામાં ચક્ષુદાનની જાગૃતિમાં પણ વધારો જોવા મળ્યો છે.
ધારપુર મેડીકલ કોલેજ અને હોસ્પિટલની ચક્ષુબેંક ને રોટરી ક્લબ, પાટણના સહયોગથી તારીખ 18/2/26 ના રોજ એક સાથે 2 મૃતકના પરિવાર દ્વારા ચક્ષુદાન કરવામાં આવ્યું હતું.આ બદલ ચક્ષુદાતાના પરિવારનો તથા રોટરી ક્લબ પાટણ નો ખુબ ખુબ આભાર વ્યક્ત કર્યો છે.
More Read
તદપરાંત આંખના વિભાગમાં થતાં મોતિયાના ઓપરેશન તથા અન્ય ઓપરેશનની સંખ્યામાં પણ ગતવર્ષ કરતાં ધરખમ વધારો જોવા મળ્યો છે. ૨૦૨૪ માં ૧૬૧૦ ઓપરેશન થયા હતા જયારે ૨૦૨૫ માં ૧૭૨૦ ઓપરેશન થયા છે.
આ સાથે પડદાના નિષ્ણાંત તબીબની સેવા પણ હવે આંખના વિભાગમાં બીજા અને ચોથા શુક્રવારે બપોરની ઓ.પી.ડી. માં દર્દીઓને મળશે.
