રાધનપુર જીઆઇડીસી ખાતે “ચામુંડા એન્ટરપ્રાઇઝ”નું ભવ્ય ઉદ્ઘાટન
રાધનપુરમા ઉદ્યોગ વિકાસને મળશે નવી દિશા
કેપિટલ મેસેજ, ન્યુઝ
પાટણ જિલ્લાના રાધનપુર શહેરની જીઆઇડીસી વિસ્તારમાં કંડલા રોડ પર પ્લોટ નંબર 81/82 ખાતે “ચામુંડા એન્ટરપ્રાઇઝ”નું ભવ્ય અને ઉજવણીભર્યું ઉદ્ઘાટન કરવામાં આવ્યું. રાજ્યકક્ષાના મંત્રી સ્વરૂપજી ઠાકોર અને રાધનપુર વિધાનસભાના ધારાસભ્ય લવિંગજી સોલંકીના હસ્તે ઉદ્ઘાટન વિધિ સંપન્ન થઈ હતી.
More Read
આ પ્રસંગે જાવંત્રી આશ્રમના મહંત કિરીટ બાપુએ આશીર્વચન આપ્યા હતા. કાર્યક્રમમાં જિલ્લા પંચાયત પ્રમુખ હેતલબેન ઠાકોર, રાધનપુરના સેવાભાવી સદારામ આઈસયુ હોસ્પિટલના ડો. ગોવિંદજી ઠાકોર અને ડો. દેવજીભાઈ પટેલ તેમજ ગુજરાત ક્ષત્રિય ઠાકોર સેનાના રાધનપુર, સાંતલપુર અને સમી વિસ્તારના કાર્યકર્તાઓ સહિત અનેક આગેવાનો અને મહાનુભાવો ઉપસ્થિત રહ્યા હતા. મોટી સંખ્યામાં સ્થાનિક નાગરિકોએ હાજરી આપી કાર્યક્રમને સફળ બનાવ્યો હતો.ઉદ્યોગસાહસિકો ગોપાલ ઠાકોર, જેરામભાઈ ઠાકોર અને કેડી ઠાકોર દ્વારા રાધનપુર વિસ્તારના લોકોની માંગ અને વિકાસની જરૂરિયાતોને ધ્યાનમાં રાખીને આ નવા સાહસની શરૂઆત કરવામાં આવી છે. “ચામુંડા એન્ટરપ્રાઇઝ”માં સાક, ઇલેક્ટ્રિક પોલ, તાર ફેન્સિંગ, બેલખા, તાભલા, ચૂલા, કુભી, ફોલ્ડિંગ દિવાલ, પેવર બ્લોક, વિવિધ કંપનીઓના બાઉન્ડરી પિલર તેમજ તમામ પ્રકારની સિમેન્ટ પ્રોડક્ટ્સનું ઉત્પાદન અને સપ્લાય કરવામાં આવશે.
મહાવદ અગિયારસના શુભ મુહૂર્તે, તા. 13 ફેબ્રુઆરી 2026, શુક્રવારના રોજ યોજાયેલા આ ઉદ્ઘાટન સમારોહે રાધનપુર જીઆઇડીસી વિસ્તારમાં ઉદ્યોગિક વિકાસને નવી દિશા આપવાની સાથે સ્થાનિક રોજગારની તકોમાં વધારો થશે તેવી આશા વ્યક્ત કરવામાં આવી હતી.સ્થાનિક સ્તરે ઉદ્યોગ સ્થાપિત થવાથી વિસ્તારના યુવાનોને રોજગારી મળશે તેમજ ઔદ્યોગિક પ્રવૃત્તિઓને વેગ મળશે તેવી પણ અપેક્ષા વ્યક્ત કરવામાં આવી છે.
More Read
રિપોર્ટ. અનિલ રામાનુજ રાધનપુર, પાટણ
