૧૫ વર્ષ પછી સંતાન સુખ, દંપતીના ઘરમાં ખુશીઓ
છેલ્લા દોઢ દાયકાથી સંતાન સુખ માટે રળવળતા એક દંપતી ના ધરે ખુશીઓનું આગમન થયું ૧૫ વષનો લાંબો ઈન્તજાર અને સંધષૅ
કેપિટલ મેસેજ, ન્યુઝ
More Read
ડભોઈની ધ્રુવીલ નર્સિંગ હોસ્પિટલમાં ડોક્ટરની મહેનત અને ભગવાનની કૃપાથી લગ્નના 15 વર્ષ બાદ નિઃસંતાન દંપતીના ઘરે પારણું બંધાયું કહેવાય છે કે ડોક્ટર એ ભગવાનનું બીજું રૂપ છેઆ ઉક્તિ ડભોઈના જાણીતા ગાયનેકોલોજિસ્ટ ડો. ધર્મેશ પી. પટેલએ સાચી સાબિત કરી બતાવી છે…
છેલ્લા દોઢ દાયકાથી સંતાન સુખ માટે ટળવળતા એક દંપતીના ઘરે ખુશીઓનું આગમન થયું છે 15 વર્ષનો લાંબો ઈન્તજાર અને સંઘર્ષ બાદ નર્મદા જિલ્લાના તિલકવાડા તાલુકાના અંતરિયાળ ધમધરા ગામના વતની સરોજબેન રાજેશભાઈ તડવી (ઉંમર 40 વર્ષ) લગ્નના ઘણા વર્ષો પછી પણ સંતાન સુખથી વંચિત હતા. આ 15 વર્ષ દરમિયાન દંપતીએ અનેક હોસ્પિટલોના ઉંમરા ઘસ્યા, મોંઘી સારવાર કરાવી અને અનેક જગ્યાએ નિદાન કરાવ્યું, પરંતુ ક્યાંયથી કોઈ હકારાત્મક પરિણામ મળ્યું ન હતું. વધતી જતી ઉંમર અને નિષ્ફળ સારવારને કારણે દંપતી આશા છોડી ચૂક્યું હતું. ત્યારબાદ જ્યારે આ દંપતી ડભોઈ સ્થિત ધ્રુવીલ નર્સિંગ હોસ્પિટલ ખાતે ડો. ધર્મેશ પી. પટેલના સંપર્કમાં આવ્યું, ત્યારે ડોક્ટરે તેમના રિપોર્ટ્સની ઝીણવટભરી તપાસ કરી અને યોગ્ય માર્ગદર્શન સાથે સારવાર શરૂ કરી. ડોક્ટરની મહેનત અને ભગવાનની કૃપાથી તથા દંપતીના વિશ્વાસને અંતે ફળ મળ્યું છે. 40 વર્ષની ઉંમરે સરોજબેને તંદુરસ્ત બાળકને જન્મ આપ્યો છે.
પરિવારમાં દિવાળી જેવો માહોલ 15 વર્ષના લાંબા સમય બાદ ઘરે બાળકની કિલકારી ગુંજતા જ તડવી પરિવારમાં ખુશીની લહેર પ્રસરી ગઈ છે. સરોજબેન અને તેમના પતિએ આ ખુશીનો શ્રેય ડો. ધર્મેશ પી. પટેલને આપતા જણાવ્યું હતું કે અમે બધી આશા છોડી દીધી હતી, પણ ડોક્ટર સાહેબની યોગ્ય દવા અને સારવાર અને મહેનત ને કારણે આજે અમારું આંગણું હર્યુંભર્યું થયું છે. અમે તેમના અને સમગ્ર સ્ટાફના ખૂબ જ આભારી છીએ
હોસ્પિટલની વિશેષતા ડભોઈની ધ્રુવીલ નર્સિંગ હોસ્પિટલ વર્ષોથી ગાયનેક સમસ્યાઓ અને નિઃસંતાનપણાની સારવાર માટે આ પંથકમાં જાણીતી છે. ડો. ધર્મેશ પટેલની આ સફળતાએ સાબિત કર્યું છે કે આધુનિક તબીબી વિજ્ઞાન અને અનુભવી ડોક્ટરના માર્ગદર્શન હેઠળ અશક્ય લાગતી બાબતો પણ ભગવાની કૃપા અને ડોક્ટરની મહેનતથી શક્ય બની શકે છે.
રિપોર્ટ : ફઝલ રઝાક ખત્રી, ડભોઈ
