પાટણ: રાધનપુરમાં સ્માર્ટ મીટરથી ગ્રાહકો પરેશાન..
રાધનપુરમાં સ્માર્ટ મીટરથી ગ્રાહકો પરેશાન: બિલ ભર્યા છતાં ફરી બિલ, GEB કચેરીએ ધક્કા
રાધનપુરમાં સ્માર્ટ મીટર વિવાદ ગરમાયો: ધંધા-રોજગાર છોડી ત્રણ દિવસથી કચેરીએ ચક્કર લગાવતા ગ્રાહકો..
More Read
કેપિટલ મેસેજ, ન્યુઝ
રાધનપુર તાલુકામાં સ્માર્ટ મીટરને લઈને ગ્રાહકોમાં ભારે રોષ અને પરેશાની જોવા મળી રહી છે. અનેક ગ્રાહકોનો આક્ષેપ છે કે તેઓ દ્વારા વીજબીલની ચુકવણી કરવામાં આવી હોવા છતાં ફરીથી નવું બિલ આવી રહ્યું છે, જેના કારણે સામાન્ય લોકો મુશ્કેલીમાં મુકાઈ રહ્યા છે.રાધનપુર તાલુકામાં સ્માર્ટ મીટરને લઈને જીઈબી અને તેના કોન્ટ્રાક્ટરની ભારે બેદરકારી સામે ગ્રાહકોમાં ભારે રોષ જોવા મળી રહ્યો
રાધનપુરના દેવગામ ગામના એક ગ્રાહકે 2100 રૂપિયા વીજબીલ ભર્યા હોવા છતાં મોબાઇલમાં ફરીથી 200 રૂપિયાનું નવું બિલ દર્શાવાતા તેઓ પરેશાન બન્યા હોવાનું જણાવ્યું હતું. આ સમસ્યાના નિરાકરણ માટે ગ્રાહકોને પોતાનો ધંધો-રોજગાર બંધ કરી સતત ત્રણ દિવસથી GEB કચેરીના ધક્કા ખાવા પડે છે, પરંતુ યોગ્ય ઉકેલ મળતો નથી તેવી ફરિયાદો ઉઠી રહી છે.
More Read
ગ્રાહકોનું કહેવું છે કે સ્માર્ટ મીટર લાગ્યા બાદ વારંવાર બિલની ગેરસમજ અને ટેકનિકલ ખામીઓના કારણે લોકો મુશ્કેલીમાં મુકાઈ રહ્યા છે. સ્થાનિક લોકોના કહેવા મુજબ સ્માર્ટ મીટર લગાવવાની પ્રક્રિયામાં જીઈબી અને કોન્ટ્રાક્ટર દ્વારા યોગ્ય તકેદારી રાખવામાં આવી નથી.ઘણા વિસ્તારોમાં સ્માર્ટ મીટર બંધ થઈ જતા ગ્રાહકો દિવસભર પરેશાન થતા જોવા મળે છે.
આ સમગ્ર મામલે રાધનપુર તાલુકામાં સ્માર્ટ મીટર બંધ કરવાની માંગ ઉઠી રહી છે. સ્થાનિક લોકો અને ગ્રાહકો જૂના મીટર સિસ્ટમ ફરી શરૂ કરવાની માંગ કરી રહ્યા છે અને વીજ વિભાગ દ્વારા આ સમસ્યાનો તાત્કાલિક ઉકેલ લાવવામાં આવે તેવી માંગ ઉઠી રહી છે.
રિપોર્ટ: અનિલ રામાનુજ રાધનપુર, પાટણ
