ડભોઇ પંથકમાં અફવાએ મચાવ્યો હાહાકાર: પેટ્રોલ પંપો પર મોડી રાત સુધી વાહનોની કિલોમીટર લાંબી કતારો
કેપિટલ મેસેજ, ન્યુઝ
ડભોઇ શહેર અને તાલુકામાં પેટ્રોલ-ડીઝલની અછતની વાત વાયુવેગે ફેલાતા જનતામાં ફફડાટ; તંત્રની અપીલ છતાં લોકોની પડાપડીડભોઇ શહેર સહિત સમગ્ર તાલુકામાં આજે અચાનક પેટ્રોલ અને ડીઝલની તંગી સર્જાવાની અફવા ફેલાતા જનજીવન પ્રભાવિત થયું છે. સોશિયલ મીડિયાના માધ્યમથી ફેલાયેલી એક જ અફવાએ સમગ્ર પંથકના વાહનચાલકોને ચિંતામાં મૂકી દીધા છે, જેના પરિણામે તમામ પેટ્રોલ પંપો પર ભારે અરાજકતા જેવી સ્થિતિ જોવા મળી રહી છે.
અફવાનું જોર: છેલ્લા કેટલાક કલાકોથી સોશિયલ મીડિયા પર “પેટ્રોલનો સ્ટોક ખતમ થઈ રહ્યો છે” તેવા મેસેજ વાયરલ થતા ડભોઇ પંથકમાં દોડધામ મચી ગઈ છે. લોકો સાચી હકીકત જાણ્યા વગર જ પંપ તરફ દોડી રહ્યા છે.કિલોમીટર લાંબી કતારો: ડભોઇ નગરના મુખ્ય ચાર રસ્તા, શિનોર ચોકડી અને અન્ય વિસ્તારોમાં આવેલા પેટ્રોલ પંપો પર વાહનોની લાંબી લાઈનો લાગી છે. ટુ-વ્હીલર, રીક્ષા અને ફોર-વ્હીલર ચાલકો કલાકો સુધી પોતાની વારી આવવાની રાહ જોઈ રહ્યા છે.
More Read
ટ્રાફિક જામની સમસ્યા: પંપો પર અચાનક વાહનોનો ધસારો વધતા રસ્તાઓ પર ટ્રાફિક જામના દ્રશ્યો સર્જાયા છે. પોલીસ અને પંપના કર્મચારીઓને ભીડ કાબૂમાં લેવા માટે ભારે જહેમત ઉઠાવવી પડી રહી છેટાંકી ફૂલ કરાવવાની હોડ: અછતના ડરથી લોકો માત્ર જરૂર પૂરતું નહીં, પરંતુ વાહનોની ટાંકી ફૂલ કરાવી રહ્યા છે. કેટલાક લોકો તો કેન અને બોટલો લઈને પણ પેટ્રોલ લેવા ઉમટી પડ્યા છે. તંત્ર અને નિષ્ણાતોનો મત સૂત્રોના જણાવ્યા અનુસાર, હાલમાં પેટ્રોલ કે ડીઝલની કોઈ સત્તાવાર અછત નથી. આ માત્ર સોશિયલ મીડિયા દ્વારા ફેલાવવામાં આવેલી એક અફવા છે. તંત્ર દ્વારા લોકોને શાંતિ જાળવવા અને અફવાઓ પર વિશ્વાસ ન કરવા વિનંતી કરવામાં આવી છે. વધુ પડતા ધસારાને કારણે પંપો પરનો તાત્કાલિક સ્ટોક ખાલી થઈ શકે છે, પરંતુ સપ્લાય ચેઈન ચાલુ છે.લોકોએ ગભરાવાની જરૂર નથી. અફવાઓને કારણે પંપ પર ભીડ કરવાથી વ્યવસ્થા ખોરવાય છે. ધૈર્ય રાખો અને અફવાઓ ફેલાવતા બચો.
રિપોર્ટ : ફઝલ રઝાક ખત્રી, ડભોઈ
