બરોડા ડેરીના ટેન્કરમાંથી દૂધની નદીઓ વહી પશુપાલકોની મહેનત રસ્તા પર વેડફાઈ
કેપિટલ મેસેજ, ન્યુઝ
ડભોઇ-વડોદરા હાઇવે પર આજે એક ચોંકાવનારી ઘટના સામે આવી છે, જેમાં બરોડા ડેરીના દૂધના ટેન્કરમાંથી હજારો લિટર દૂધ રસ્તા પર વેરાતું જોવા મળ્યું હતું. ટેન્કર ચાલકની ઘોર બેદરકારીને કારણે પશુપાલકોની કાળી મજૂરીનું દૂધ રસ્તા પર ઢોળાતા લોકોમાં ભારે રોષ જોવા મળી રહ્યો છે
ડભોઇ તાલુકાના પલાસવાડા ગામ પાસેથી પસાર થઈ રહેલા બરોડા ડેરીના એક ટેન્કરમાંથી દૂધની ધારાઓ વહી રહી હતી. ટેન્કર રસ્તા પર જે ગતિએ દોડી રહ્યું હતું, તેટલી જ ઝડપે દૂધનો વેડફાટ થઈ રહ્યો હતો. ડભોઇ-વડોદરા મુખ્ય માર્ગ પર લાંબા અંતર સુધી દૂધની સફેદ લકીરો જોવા મળી હતી.મોટી બેદરકારી: ટેન્કરના પાછળના ભાગે આવેલા વાલ્વમાં ખામી હોવા છતાં અથવા વાલ્વ બરાબર બંધ ન કરવાને કારણે આ ઘટના બની હોવાનું પ્રાથમિક દ્રષ્ટિએ જણાય છે.અંદાજે 100 લિટરનો બગાડ: સ્થાનિકોના અંદાજ મુજબ, રસ્તા પર વહી ગયેલું દૂધ આશરે 100 લિટર કે તેથી વધુ હોઈ શકે છે.વીડિયો વાયરલ: આ ઘટનાનો વીડિયો સોશિયલ મીડિયા પર વાયરલ થતાં સમગ્ર પંથકમાં ચર્ચાનો વિષય બન્યો છે. વીડિયોમાં સ્પષ્ટ જોઈ શકાય છે કે ચાલક બેધ્યાનપણે ટેન્કર હંકારી રહ્યો છે અને પાછળ કીમતી દૂધ વેડફાઈ રહ્યું છે.પશુપાલકો રાત-દિવસ એક કરીને ડેરીમાં દૂધ ભરે છે, અને તંત્ર કે કોન્ટ્રાક્ટરોના માણસોની આવી લાપરવાહીને કારણે આર્થિક નુકસાન વેઠવાનો વારો આવે છે.એક રોષે ભરાયેલા પશુપાલક ગંભીર સવાલો શું બરોડા ડેરી આ બેદરકાર ટેન્કર ચાલક કે ટ્રાન્સપોર્ટ એજન્સી સામે કડક પગલાં લેશે પશુપાલકોની મહેનતના દૂધનો આ રીતે થતો બગાડ અટકાવવા ડેરી તંત્ર પાસે શું આયોજન છે વાહન ચલાવતા પહેલા સુરક્ષા અને વાલ્વ ચેક કરવાની જવાબદારી કોની
More Read
હવે જોવાનું એ રહેશે કે ડેરી પ્રશાસન આ મામલે તપાસના આદેશ આપે છે કે પછી આ મામલાને ઠંડો પાડી દેવામાં આવશે.
રિપોર્ટ : ફઝલ રઝાક ખત્રી,ડભોઈ
