બરોડા ગ્રામિણ સ્વરોજગાર તાલીમ સંસ્થા દ્વારા નેદ્રા ગામે મશરૂમ ખેતી તાલીમ: લાભાર્થીઓને સર્ટિફિકેટ વિતરણ
કેપિટલ મેસેજ, ન્યુઝ
બરોડા ગ્રામિણ સ્વરોજગાર તાલીમ સંસ્થા (RSETI), પાટણ દ્વારા પાટણ જિલ્લાના સિદ્ધપુર તાલુકાના નેદ્રા ગામે જોબ કાર્ડ ધારક એવા લાભાર્થીઓ માટે વિશેષ તાલીમ કાર્યક્રમનું આયોજન કરવામાં આવ્યું હતું. જેમાં 60 દિવસથી વધુ તથા 100 દિવસ પૂર્ણ કરેલ ઉન્નતિના લાભાર્થીઓને સ્વરોજગાર માટે પ્રેરિત કરવા મશરૂમ ખેતી વિષયક માર્ગદર્શન આપવામાં આવ્યું.
આ દસ દિવસીય તાલીમ કાર્યક્રમ દરમિયાન મશરૂમની ખેતી કેવી રીતે કરવી, કયા પ્રકારના મશરૂમ ઉગાડવા, મશરૂમમાં રોગચાળો ન ફેલાય તે માટેના નિયંત્રણ ઉપાયો, યોગ્ય સંભાળ અને ઉત્પાદન વધારવાની પદ્ધતિઓ અંગે વિગતવાર માર્ગદર્શન આપવામાં આવ્યું.
More Read
તે ઉપરાંત લાભાર્થીઓને ટાઈમ મેનેજમેન્ટ, બેન્કિંગ પ્રક્રિયા, કોમ્યુનિકેશન સ્કિલ્સ, તથા વ્યવસાયમાં જોખમ વ્યવસ્થાપન જેવા સોફ્ટ સ્કિલ અને હાર્ડ સ્કિલ અંગે પણ પ્રાયોગિક તાલીમ આપવામાં આવી, જેથી તેઓ આત્મનિર્ભર બની સફળતાપૂર્વક પોતાનો વ્યવસાય શરૂ કરી શકે.
આજે ભારત સરકાર દ્વારા નિયુક્ત થર્ડ પાર્ટી એજન્સી દ્વારા તાલીમનું થર્ડ પાર્ટી એસેસમેન્ટ કરવામાં આવ્યું હતું. તાલીમ સફળતાપૂર્વક પૂર્ણ કરનાર લાભાર્થીઓને સર્ટિફિકેટ અર્પણ કરવામાં આવ્યા.
આ પ્રસંગે સંસ્થાના નિયામક દિનેશ દગદી, ફેકલ્ટી હરેશભાઈ પટેલ તથા સંસ્થાનો સ્ટાફ હાજર રહ્યા હતા. સંસ્થાના પ્રતિનિધિઓએ લાભાર્થીઓને મશરૂમ ખેતી દ્વારા વધારાની આવક મેળવી આત્મનિર્ભર બનવા પ્રોત્સાહિત કર્યા હતા.
More Read
આ તાલીમ કાર્યક્રમ ગ્રામ્ય વિસ્તારમાં રોજગારની નવી તકો ઊભી કરી આર્થિક સશક્તિકરણ તરફ મહત્વપૂર્ણ પગલું સાબિત થશે તેવી આશા વ્યક્ત કરવામાં આવી હતી.
