સિદ્ધપુર તાલુકાના પચકવાડા-વાઘરોલ બાયપાસ રોડ પર ડામરની કામગીરી પૂર્ણ કરવામાં આવી
કેપિટલ મેસેજ, ન્યુઝ
પાટણ જિલ્લામાં માર્ગ અને મકાન પંચાયત વિભાગ હસ્તકના સિદ્ધપુર પેટા વિભાગ હેઠળ મંજૂર થયેલ પચક્વાડા વાઘરોલ બાયપાસ રોડ કિ.મી. ૦.૯૦૦ ના રિસરફેસિંગ રોડ માટે સરકાર દ્વારા તા.૧૪/૦૩/૨૦૨૪ ના પત્રથી રૂ. ૧૭.૦૦ લાખની વહીવટી મંજૂરી પ્રદાન કરવામાં આવી છે.
આ પ્રોજેકટમાં પચક્વાડા વાઘરોલ બાયપાસ રોડ કિ.મી.૦.૯૦૦ પર રોડ રિસરફેસિંગ કામગીરી માટે માર્ગ અને મકાન પંચાયત વિભાગ દ્વારા ઈજારદાર સરસ્વતી કન્સ્ટ્રકશન, વિસનગર કંપનીને તા. ૨૮/૦૮/૨૦૨૫ થી વર્ક ઓર્ડર એનાયત કરવામાં આવેલ છે. સદર કામગીરીમા ડામર કામગીરી હાલમાં પૂર્ણ કરવામાં આવેલ છે. જેથી ગામના લોકોમાં હર્ષોલ્લાસ જોવા મળ્યો છે. જેથી ગ્રામજનો દ્વારા સરકારનો આભાર માનવામાં આવ્યો છે.
More Read
આ રસ્તાના વિકાસથી સિદ્ધપુર તાલુકાના પચક્વાડા તેમજ તેને જોડતા અન્ય ગામોના રહેવાસીઓને સુરક્ષિત મુસાફરીનો લાભ મળશે, રસ્તાની સારી સપાટીના કારણે મુસાફરીનો સમય બચશે અને ઈંધણનો વપરાશ પણ ઘટશે તેમજ સ્થાનિક લોકોને શિક્ષણ, આરોગ્ય અને અન્ય સુવિધાઓની વધુ સારી પહોંચ મળશે.
